કવિતાબવિતા : નવરાત્રિવિશેષ

 આ પાસ મળ્યો તે કાનજી ને આઈ.ડી.પ્રૂફ તે રાધા રે,

આ ડી.જે.ધ્વનિ તે કાનજી ને શ્રવણેન્દ્રિય તે રાધા રે,

આ ટોળેટોળાં તે કાનજી ને સમયમર્યાદા રાધા રે,

આ યૌવનધન તે કાનજી ને પ્રસ્વેદધન તે રાધા રે,

આ સ્ટૉલ મળ્યો તે કાનજી ને ટિંક્ચર ભાવ તે રાધા રે,

આ લૂંટફાટ તે કાનજી ને હોંશ લૂંટાવાની રાધા રે,

આ પરંપરા તે કાનજી ને ઘોંઘાટ થાય તે રાધા રે,

આ નવરાત્રિ તે કાનજી ને પંક થયું તે રાધા રે.

(કવિ પ્રિયકાંત મણિયારની મૂળ રચનાને સળ્યાંજલિ, લખ્યા તારીખ: 29-9-2019)