કવિતાબવિતા

મૂંઝવણ છે ભારી, શું લેવું સ્ટેન્ડ

અસ્મિતા અને લાડુ(ડી)ના ઝઘડાનો

ક્યારે આવે ધ એન્ડ.

ટેકો આપીએ એકને, બીજા થાય નારાજ,

મૌન રહીને જોવાથી તો આપણે થઈએ તારાજ.

એને બદલે કરીએ એમ, તાણી લાવીએ ગાંધીને,

સબકો સન્મતિ દે ભગવાન,

'ધ બૅડ, ધ અગ્લી'નો થજો નાશ,

પ્રવર્તશો માત્ર 'ધ ગુડ',

આવું આવું બોલીને મેળવીએ 'ફીલગુડ',

પગ પડ્યો કુંડાળે, કે કુંડાળા સિવાય ચાલવાની જગ્યા જ નથી?

ધર્મ સનાતન, દુકાન ટનાટન, વચ્ચે આવે એને દે ધનાધન,

સૌ સૌનું આગવું બૅન્ડ, ઢેન્ટેણેન, ઢેન્ટેણેન, ઢેન્ટેણેન.

એનો કદી નહીં આવે ધ એન્ડ.

(લખ્યા તારીખ: 10-9-2019)