કવિતાબવિતા

 મુક્તકો

દોસ્ત બની હવે મહાસત્તા,

હાથમાં આપણા બાવન પત્તાંં,

મગદૂર કોની નામ લે આપણું,

મન ફાવે એને કરીશુંં અ....ત્તા.

****

રચાય હરેક પળે ઈતિહાસ નવો,

ઉતારી લો ઢોંસા, ગરમ છે તવો,

કિલ્લોલ કરે સૌ આપણા દીધેલા ઘૂઘરે,

મોંઘો બાજરો, ને સસ્તો કર્યો રવો.

****

વેલકમ મિસ્ટર હરખા,

વી આર વેરી મચ સરખા.

મિડીયોક્રીટી ઈઝ અવર મોટ્ટો,

પૂરા કરીએ મ્યુચ્યુ‍અલ અભરખા.

(લખ્યા તારીખ: 23-9-2019)

****

દોહરા

પંચોતેરમા માળથી, રીંછ વૃષભ કળાય,

ગુર્જરધરા દુબઈ બને, ઊંટ બહુ અકળાય.

****

સબકા રબ એક હૈ, માલિક સબ કા એક,

સનાતની ઔર વિધર્મી કા, કાર્ડ ભી હોગા એક.

****

એનાર્સી*નો ઘૂઘરો, રણકે રણઝણઝણ,

ક્ષુધા વીસરી જાય સહુ, ચણવા માંડે ચણ.

****

થયો સ્થગિત વાહનવ્યવહાર, થયુંં દોડતું લોક,

પી.યુ.સી. નહીં પ્લેનને, આ તે કેવી જોક.

****

નોંધ: માત્રાને ગણવી નહીં, ગણવા ચરણ ચાર,

ડરવું નહીં કવિતથી, કરવી તીક્ષ્ણ ધાર.

(* એનાર્સી = એન.આર.સી., લખ્યા તારીખ: 24-9-2019)