ફેસબુક કે વૉટ્સેપ પર 'ફાઈવ મિનીટ હેક્સ'/Five minute hacks અને 'ડી.આઈ.વાય'/D.I.Y. (Do It Yourself)ની અનેક વિડીયો જોયા પછી લાધેલું જ્ઞાન:
- સૌ પ્રથમ તો કપડાંના શોરૂમમાં જાવ. ત્યાંથી તમારા માપનું જિન્સ પેન્ટ ખરીદો. એની લંબાઈ વધુ હોય તો એને શોરૂમમાં જ ઑલ્ટર કરાવવાનો આગ્રહ રાખો. આ જિન્સને લઈને ઘેર આવો.
- એક જૂની કાતર લો. એનાથી જિન્સ પેન્ટના બન્ને પાયચા કાપી નાંખો. એક પાયચું લઈને એને તળિયેથી સીવી દો. ઉપરનો ભાગ ખુલ્લો રહેશે.
- રેતી અને સિમેન્ટનું મિશ્રણ તૈયાર કરો. એમાં પાણી ઉમેરો.
- હવે પાયચાના ખુલ્લા ભાગમાં તમારો ડાબો હાથ સરકાવો. મુઠ્ઠી વાળેલી રાખો.
- જમણા હાથે રેતી અને સિમેન્ટનું મિશ્રણ પાયચામાં ભરતા જાવ. છેક ઉપર સુધી એને ભરી દો. મિશ્રણ ઠરે ત્યાં સુધી રાહ જુઓ. એ પછી તમારો હાથ ખેંચી લો.
- પછી કાતર વડે પાયચું કાપીને દૂર કરતા જાવ.
- જુઓ કે અંદર કશું બને છે?
- એનો શો ઉપયોગ થઈ શકે એમ છે?
આ સમગ્ર પ્રક્રિયાની વિડીયો ઉતારો.
છેલ્લા બે સવાલોના જવાબ અમને ખાસ જણાવો.
