Tuesday, March 5, 2013

એક સોમો મુકામ: તૂને કાજલ લગાયા...



પ્રાચીન યુગના દેવતાઓ ભારે તપ કર્યા પછી રીઝતા હતા. એ પછી તે એકાદું વરદાન માંગવાનું કહેતા હતા. ક્યારેક કોઈક દેવતા વધુ રીઝે તો એકથી વધુ વરદાન માગવાનું પણ કહેતા. મર્યાદિત વરદાનને કારણે પ્રાચીન કાળના વાણિયાઓ એક જ વરદાનમાં અનેક બાબતો ચતુરાઈથી વણી લેતા હોવાની કથાઓ બહુ જાણીતી છે. 

પણ આ ડીજીટલ યુગમાં એ બાબતે નિરાંત છે. ગૂગલ દેવતા સદા મહેરબાન રહે છે. નથી તે કશી તપશ્ચર્યા માંગતા, કે નથી તેમને અપેક્ષા કશી આરાધનાની. તે કાયમ માંગ માંગ, માંગે તે આપુંની ભૂમિકામાં હોય છે. એટલું જ નહીં, હંમેશાં તે આપણને એકાધિક વિકલ્પની ઓફર કરે છે. બસ, આપણું સંધાન તેમની સાથે રહેવું જોઈએ  એટલી જ પૂર્વશરત. સવાલ હવે માંગનારને પક્ષે આવીને ઉભો રહે છે કે તેણે શું માંગવું.

"માંગે તે આપું અને ન માંગે તે પણ આપું." 
સામાન્ય રીતે આ દેવતા પાસે પોતાના ખપની ચીજો માંગતો ભક્તજન એટલે કે વપરાશકર્તા ક્યારેક પોતાના નામનું પણ ગૂગલિંગ કરી લે છે અને જોઈ લે છે કે પોતાના નામની ગૂગલ’/ Google માં કોઈ એન્‍ટ્રી છે? અને છે તો કઈ અને કેવી છે? ગુપ્ત રીતે કરવામાં આવેલા એક સર્વેક્ષણ મુજબ કમ્પ્યુટર/computer અને ઈન્‍ટરનેટ/internet  વાપરતા દરેક જણે પોતાનું નામ ગૂગલમાં નાંખીને જોયું હશે. આ બ્લોગર એટલે કે આપનો વિશ્વાસુ પણ આ બન્નેનો ઉપયોગ કરતો હોય છે, એટલે એનાથી બાકાત શી રીતે હોઈ શકે? પણ મન નામનું માંકડું એવું અવળચંડું છે કે એ ઉછળકૂદ કર્યા જ કરે અને જંપીને બેસવાને બદલે કંઈક ને કંઈક સળી કરતું રહે.

**** **** ****

તૂને કાજલ લગાયા તો
બાગોં મેં બહાર આઈ 
૧૨ જૂન, ૨૦૧૧ના દિવસે આ બ્લોગ પર પહેલવહેલી પોસ્ટ મૂકાઈ હતી. આજે લગભગ પોણા બે વરસે આ પોસ્ટ સાથે એ આંકડો સો પર પહોંચી રહ્યો છે. આપ સૌ મિત્રોની શુભેચ્છાઓ અને લાગણી સાથે છે જ અને તેનો અહેસાસ અવારનવાર થતો રહે છે. પણ બધું સારું હોય ત્યારે ગાલે કાજળનું ટપકું કરવાની આપણે ત્યાં પ્રથા છે. આ બ્લોગની પહેલી વર્ષગાંઠે ઘણા મિત્રોએ કમેન્‍ટ સ્વરૂપે શુભકામનાઓ વ્યક્ત કરી હતી. (એમ તો આ બ્લોગની પાંચમી પોસ્ટમાં કેટલાક સ્વર્ગીય મહાનુભાવોએ પણ કમેન્‍ટ દ્વારા પોતાના પ્રતિભાવ આપ્યા હતા. http://birenkothari.blogspot.in/2011/06/blog-post_26.html ) એટલે આ વખતે સોમી પોસ્ટ નિમિત્તે એમ થયું કે સારું, શુભ અને સોજ્જું બહુ થયું. હવે કાજળનું એકાદું ટપકુંય થવું જોઈએ. પણ કાજળનું ટપકું આપણે પોતે કરીએ એ ઠીક નહીં. અને એ કરવાનું એમ સામે ચાલીને કરવાનું કોઈને કહેવાય શી રીતે? એ તો સામાવાળાના મનમાં ઉગવું જોઈએ. તકલીફ એ કે સામાવાળાના મનમાં ઉગ્યું એ આપણે શી રીતે જાણી શકીએ? આપણે કંઈ અંતર્યામી તો છીએ નહીં. આમ વિચારતાં સ્મરણ થયું અર્ધઅંતર્યામી એવા ગૂગલદેવતાનું. એ આપણા મનની વાત તો આખેઆખી જાણી લેતા નથી, પણ મનની વાતનો પહેલો અક્ષર લખવામાં એટલે કે ટાઈપ કરવામાં આવે તો અવશ્ય એ જાણી લે છે.
માટે પેલા કાજળના ટપકા શોધવા માટે છેવટે ગૂગલદેવતાની મનોમન આરાધના કરી. તેમની શોધપેટીમાં બીરેન કોઠારી કે બીરેન કોઠારી ઉર્વીશ કોઠારી’/ Biren Kothari Urvish Kothari  ટાઈપ કરી જોયું. તેના જવાબમાં જે પરિણામ દેખાયાં એમાંથી કાજળનાં કાળાં ટપકાં જોયાં અને વીણીવીણીને તેને અહીં મૂક્યાં.
બસ, એ રીતે વીણેલાં આ કાજળનાં ટપકાં છે. એ ભલે મારા પર અંગત ધોરણે કરવામાં આવ્યાં હોય, પણ આ બ્લોગના વાચક હોવાના નાતે આપ સૌને પણ એ ટપકામાં ભાગીદાર બનાવીને આ બ્લોગની સોમી પોસ્ટની ઉજવણી કરવાની ઈચ્છા છે.

'બોલ મેરી તકદીર મેં ક્યા હૈ' 

કાજળનાં એ ટપકાં અહીં મૂકું એ અગાઉ થોડી સ્પષ્ટતા.

  • અહીં ફક્ત જે તે વ્યક્તિએ કરેલી મારા વિષેની નકારાત્મક કમેન્‍ટ જ મૂકી છે. કમેન્‍ટ કરનારનું નામ તેમજ એ કમેન્‍ટ ક્યા સ્થળે મૂકી છે એ અહીં જણાવ્યું નથી. અલબત્ત, મૂળ સ્રોત પર જતાં મને એ વિષે ભાળ મળે એ સ્વાભાવિક છે.
  • આ કમેન્‍ટ/comment આ બ્લોગ પર કરવામાં આવી નથી, પણ અન્યત્ર કરવામાં આવી છે. એ બ્લોગ/બ્લોગ્સ  હું વાંચતો નથી કે નથી મેં ત્યાં જઈને કશી કમેન્‍ટ લખી. મતલબ કે આ કમેન્‍ટ પ્રતિક્રિયા’/reaction નથી, બલ્કે શુદ્ધ અને નિર્ભેળ ક્રિયા’/action જ છે.
  • કમેન્‍ટનો સંદર્ભ જાણીજોઈને આપ્યો નથી, કેમ કે એ કશા સંદર્ભ વિના પણ એ સ્પષ્ટ છે.
  •  આ કમેન્‍ટનો કશો જવાબ મેં આપ્યો નથી, કેમ કે મારી પાસે કે મારા બ્લોગ પર એ માંગવામાં આવ્યો નથી. ફક્ત ગૂગલીંગ કરતાં જ એ દેખાઈ છે અને ત્યાંથી કમેન્‍ટના સ્રોત પર જઈને એ લીધી છે.
  • એડીટીંગ ફક્ત એટલું જ કર્યું છે કે જે તે બ્લોગરને ઉદ્દેશીને લખાઈ હોય ત્યાં બ્લોગરનું નામ કાઢી નાંખ્યું છે તેમજ કોઈ આનુષંગિક કમેન્‍ટમાં કમેન્‍ટ કરનારના નામનો ઉલ્લેખ હોય તો ત્યાં નામને બદલે ***** નિશાની મૂકી છે.
  • આ કમેન્‍ટને અહીં મૂકવા પાછળનો આશય કેવળ (મારું) મનોરંજન જ છે અને કંઈક અંશે કૂતુહલ, કે આપણા વિષે ગૂગલ પર શું ઉપલબ્ધ છે. કોઈને શરમિંદા કરવાનો કે ઉઘાડા પાડવાનો ઈરાદો પણ નથી, કેમ કે કમેન્‍ટ કરનાર એકાદ જણ સિવાય મોટા ભાગનાને હું ઓળખતો નથી.

બસ, તો સોમી પોસ્ટની આ કાજળના ટપકા જેવી ટીપ્પણીઓ તમે પણ માણો. 


**** **** ****



ટપકું નં.૧:  ત્રાસવાદીઓની વહારે


Now again the so-called ‘baudhdhiko’ like Prakash N Shah, Urvish Kothari, Biren Kothari, Madhusudan Mistry, etc. will jump in to save the terrorists. It is surprising to see how those people eat of our country and still betray the Indians.


  *

ટપકું નં.૨: બૌદ્ધિકોની પંગતમાં પાટલો  

I was also feeling disheartened to read these so-called baudhdhiks (yes, I agree with the above people – Mr Urvish Kothari, Prakash N Shah, Biren Kothari, Teesta Setalwaad, etc. are truely the traitors of the country) writing against Anna Hazare’s movement recently and pseudo-secularism always.





  • ટપકું નં.૩: ખુલ્લા પડી ગયા 

Very nice article indeed. I had read this article when it was first published. Many different thoughts are coming to my mind.
Things have drastically changed except since then. But the pseudo-secularists have been still shitting from their mouth.
Narendra Modi has taken a very bold step by doing the Sadbhavana fast. As you rightly said, NM is the leader. The Gujarat Congress is as usual the moron follower here. Nobody trusts the traitor Shankarsinh Vaghela, nobody knows Shaktisinh Gohil, Siddharth Patel, Solanki etc. if one doesn’t address their second (father’s) name, nor anybody thinks that Arjun Modhwadia has anything but negativity about everything about him! Mr Bhaven Kutchchhi (or someone else, I don’t remember now) rightly analysed: Narendra Modi’s has a clear reason for doing the fast, Sadbhavana in Gujarat. But why are Shankarsinh Vaghela and Arjun Modhwadia doing the fast? They are doing it only for the politics!!!
Not only the industrialism and hence massive employment are the achievements of Narendra Modi, but also initiatives like Shalaa Gunotsav, Vaanche Gujarat, Kanya Kelavani, Beti Bachavo, Saagarkhedu Yojna, etc. have made the people attached to Narendra Modi.
Anyway, at least the psuedo-secularists like Prakash N Shah, Urvish Kothari, Biren Kothari, Mallika Sarabhai, Teesta Setalwaad, Arundhati Roy, Medha Patkar etc. have got completely exposed now in these years.
It is the writers like you, Chandrakant Baxi, ******
, etc. who have always put forward all the Gujaratis' concerns and thoughts boldly. The Gujarati readers are also indebted to these writers. 

  • ટપકું નં.૪: બચાવપક્ષ 
અરે મિત્ર! તમારી બધી વાતો હરી ફરી ને ઉર્વીશ કોઠારી વગેરે વગેરે તરફ જ જતી રહે છે. એ લોકો પણ કઈ બધી બાબતે એ ખોટા ન હોઈ સકે. ( **** જ કહે છે કે કોઈ માણસ સંપૂર્ણ સાચો કે ખોટો ન હોઈ સકે.) અને એક હિંદુ હોવા છતાં કહું છું કે ગોધરાકાંડ ખોટો હતો. પણ તેથી કંઈ તેના રીએક્શન માફ ન કરી શકાય. અને ભારત દેશ માં તો ટી.વી. પર લાઈવ હત્યા કરનાર પણ સાક્ષી અને પુરાવાના અભાવે નિર્દોષ છૂટી શકે છે. (જેસિકા લાલ હત્યા યાદ છે? માયા કોડનાની કયા પક્ષના છે? આર.એસ.એસ. અને વી.એચ.પી. કોને સપોર્ટ કરે છે? આજે પણ યુટ્યુબ પર તે લોકોના ઉશ્કેરીજનક ભાષણ સાંભળવા મળે છે. લોકો મોદી-ભક્તિ માં એટલા પાગલ થઈ જાય છે કે તટસ્થતા તો ભૂલાઈ જ જાય છે. અને પછી એલા-પેલા ગુજરાત વિરોધી છે એવી બધી સાંભળવામાં ચટપટી વાતો કરવા લાગે છે. અમે પણ બીજા રાજ્ય ના લોકો ના સંપર્ક માં આવ્યા છે પણ તે લોકો ભાંડે છે તો મોદી અને ગુજરાત ને નહિ તમારી જાણ સારું.

*

  • ટપકું નં.૫: આસ નિરાસ ભઈ  
I will ans Biren in person sometime about all his points here.
Only thing that, I felt disappointed with these two brothers as they have selected to be no different than other hords of writers in Gujarati. Thanks anyway.


  • ટપકું નં. ૬: તલવારબાજ 


આવું જ બન્યુ ઉર્વિશભાઈની એમના બ્લોગ પરની તાજેતરની પોસ્ટ "રંગીન પોલીસ સ્ટેશન" વિશે. માત્ર હું એક નહીં પરંતુ ઉર્વિશભાઈને વાંચતા કોઈપણને પુછો કે તેઓ ગમે તે વિષયમાં ન.મો.ને લઇ આવે છે કે નહી? પરંતુ કોઇ ચિરાગ પટેલ નામના વાંચકે અને મેં એમના એ પૂર્વગ્રહ વિશે કોમેન્‍ટ કરી ત્યાં તો ઉર્વિશભાઈ અને બીરેનભાઈ બન્ને સમશેર સમણવા મંડ્યા, કે લીલા ચશ્મા ને પીળા ચશ્મા ને એવુ બધું... અરે બાપલા અમે તો (કોમન મેન) કદાચ તમારી ઉચ્ચકોટીની વાતો સમજી ન શકીયે એવું બને પરંતુ તમે તો જરા સમજો કે અમને (ખાસ કરીને મને) ન.મો.નો પ્રચાર કરવાનો કોઇ શોખ કે ટાઇમ નથી. (આમાં હરી ફરીને મોટાભાગે બે જ નામ લીધા છે, પરંતુ હજુ અમુક નામ ઉમેરી શકાય એમ છે) 

  • ટપકું નં. ૭: આ ઉંમરે?
@ઉર્વીશભાઈ, તમારે આવું દિગ્વિજયસિંહ અને રાખી સાવંત જેવું લખવું પડે એ સમજીએ છીએ. તમારે તમારી અને તમારા મોટાભાઈ બંનેની કેરીઅર સાંભળવાની છે. પણ આ તમારા મોટાભાઈની આ ઉંમરે લેખક તરીકેની કારકિર્દી બને એવી આશા ખોટી રાખો છો. અમે તો તમારા શુભેચ્છક છીએ એટલે કહીએ છીએ. બાકી તમારી મરજી.








  • ટપકું નં.૮: સમર્થન

Roflolz, **** (ઉપરની કમેન્‍ટના સંદર્ભે)







  • ટપકું નં.૯: પ્રાર્થના ! 


*****એ, જબરદસ્ત સત્ય સંભળાવી દીધુંભગવાન કોઈ મોટાભાઈને આવા દિવસો ના બતાવે બીજું  શું



**** **** ****


આ મનોરંજક કમેન્‍ટ્સ વાંચી લીધા પછી આપ સૌ વાચકો, બ્લોગના મુલાકાતીઓના લાભાર્થે આ બ્લોગના ટેન કમાન્‍ડમેન્‍ટ્સ અહીં મૂક્યાં છે. દેશી હોટેલમાં લખેલી સૂચનાઓની જેમ જ આ સૂચનાઓ આ બ્લોગ પર કાયમી ધોરણે લખી શકાય એમ છે.
  •  અહીંના લખાણમાં ક્યાંય, કોઈ પણ પ્રકારે એસિડ કે કોસ્ટિક જેવાં જલદ કે મંદ રસાયણોનો ઉપયોગ થતો નથી. માટે વાંચતાં આંખ બળે તો સ્ક્રીનની બ્રાઈટનેસ સરખી કરવી અથવા ચશ્માનાં નંબર તપાસાવડાવી લેવાં.
  • અહીં લખાણની મૌલિકતા, બિનપરંપરાગતતા, જલદપણા વગેરે બાબતે કશો જ દાવો કરવામાં આવતો નથી, જેથી અપચાની ફરિયાદ કરવી નહીં. 
  • અહીં પીરસાયેલી વાનગીઓથી પેટ ન ભરાય તો એમાં રસોઈ બનાવનાર નહીં, ખાનારની પ્રચંડ પાચનશક્તિ જવાબદાર છે. તેથી તકરાર કરવાને બદલે બાકીની વાનગીઓનું મેનૂ જમણી બાજુએ આપેલું છે, તેનો ઉપયોગ કરીને પોતાની ભૂખ સંતોષવી.
  •  લગ્ન તેમજ શુભ પ્રસંગોના ઓર્ડર અહીં છૂટથી સ્વીકારાય છે અને સ્ટાફ મર્યાદિત છે. તેને કારણે ઘણી વાર બ્લોગના ઓર્ડર પર ધ્યાન આપી ન શકાય એમ બને. આ સંજોગોમાં પણ ઉપરની સૂચના લાગુ પડે છે. 
  • કામ સિવાય પણ અહીં આવતા રહેવું અને બેસવું.
  • વાનગીમાં કશી ગરબડ હોય તો કોઈ પણ સમયે ધ્યાન દોરી શકાય છે. આ અંગેની તકરાર જે તે સમયે તેમજ પાછળથી એટલે કે કાઉન્‍ટર છોડ્યા પછી પણ કરી શકાશે.
  • અહીં કામદારોને રોજેરોજ કે મહિનાની આખરમાં કશો પગાર ચૂકવવામાં આવતો નથી, કેમ કે અહીં કામદારપ્રથા નહીં, પણ શેઠમજૂરપ્રથા છે.
  • બહારથી નાસ્તો લઈને અહીં બેસીને ખાવાની છૂટ છે, કેમ કે અહીંની મોટા ભાગની રસોઈ પણ બહારથી લાવીને જ પીરસવામાં આવે છે.
  • વક્ત નાજુક હૈ, તંગ હૈ જમાના, તુમ્હેં પોસ્ટ દે કે, હમેં ક્યા કમાના? (કુછ નહીં, સિવા આપકી મહોબ્બત કે)
  • રોકડાનો કશો આગ્રહ નથી. અહીં કમેન્‍ટ ઉધાર રાખવામાં પણ આવે છે.

(નોંધ: તમામ તસવીરો પ્રતિકાત્મક છે અને નેટ પરથી લેવામાં આવી છે.) 

52 comments:

  1. સામી છાતીએ આ જ બ્લૉગ પર કૉમેન્ટ કરૂં છું.
    બન્ને ભાઈઓ નઠારા છો. કઈ સ્કૂલમાં ભણ્યા છો કે એક જેવી ગાળો ખાઓ છો?

    ReplyDelete
    Replies
    1. દીપકભાઈ, તમારું સર્ટિફિકેટ તો આ બ્લોગની શોભા છે.

      Delete
  2. @dipakbhai:હા..હા..હા...ગાળો ખાય ત્યાં સુધી તો ઠીક છે, પણ ગાળો આપનારાની કક્ષા જાણીને, તેમની કક્ષાના જાહેર પ્રદર્શન પર હસે એવી મજબૂત સ્કૂલ છેઃ-))

    ReplyDelete
  3. ગાળો ખાઓ,
    Mate sharedil must be Required
    other wise not Possible !
    dinpatel2




    ReplyDelete
    Replies
    1. દિનેશભાઈ,ખરેખર તો આવી ગાળો આપવા માટે શેરદિલ જોઈએ, યાર.

      Delete
  4. Harish RaghuwanshiMarch 5, 2013 at 10:36 PM

    Dear Birenbhai

    Thanks for century.

    Every post shows your labour.

    ReplyDelete
    Replies
    1. હરીશભાઈ, અહીં પહોંચવામાં તમારો સિંહફાળો નથી,બલ્કે 'ડાયનોસોર ફાળો' છે.

      Delete
  5. shishir krishna sharmaMarch 5, 2013 at 10:37 PM

    बधाई !!!!!!!!!!!!!!!!!!!!!!!!!!! :)

    ReplyDelete
    Replies
    1. धन्यवाद,शिशिरजी!

      Delete
  6. અરે વાહ સો લેખ પૂરા થઈ ગયા? ખબર જ ન રહી. સોની સદી મારવા માટે ખૂબ ખૂબ અભિનંદન, બિરેનજી.

    ReplyDelete
    Replies
    1. આ સદીમાં પાંચ પોસ્ટનું દાન તમારુંય ખરું, પૂર્વીબેન.

      Delete
  7. ખબર નહિ કેમ પણ મને એક ગુજરાતી કહેવત યાદ આવી ગઈ : હાથી પાછળ કૂતરા ભસે ....
    હવે બંધબેસતી પાઘડી પહેરવાની આ લોકશાહી દેશમાં છૂટ જ છે ... :) :)

    ReplyDelete
    Replies
    1. હવે કૂતરાંય ક્યાં પહેલાં જેવાં રહ્યાં છે, ઉત્કંઠા! હવે તો એ સાયકલ, સ્કૂટર દરેકની પાછળ ભસે છે.

      Delete
  8. હલ્લો ઉર્વીશભાઈ,

    પહેલી સેન્ચ્યુરી ની સફળતા બદલ હાર્દિક અભિનંદન .

    આવી સો સેન્ચ્યુરી ફટકારી દો એવી શુભ કામનાઓ

    દાદુ શિકાગો

    ReplyDelete
    Replies
    1. દાદુ, ઉર્વિશના ભાગની ગાળો મને પડે છે, અને મારા ભાગની શુભેચ્છાઓ એના નામે જાય છે. એ તો સારું છે કે અમે બધું સરખા ભાગે વહેંચી લઈએ છીએ.

      Delete
  9. એક સદી તો પૂરી થઇ. હવે ૯૯ રહી. Congratulations! :)

    ReplyDelete
    Replies
    1. આભાર, સાક્ષર. રેડિયો કોમેન્‍ટરીના જમાનામાં કોમેન્‍ટેટર કહેતા: ક્રીઝ પર ઉભા રહીએ એટલે સ્કોરબોર્ડ ફરતું રહેવાનું.

      Delete
  10. બિરેનભાઇ.
    બહુ સરસ સંકલ્પના. પણ મૌલિક નહીં કહું. સાચું બોલો જેકી ચેનની પ્રેરણા ન કહેવાય...? જેમ એની દરેક ફિલ્મ પતે એટલે એન્ડ ટાઈટલ સાથે એણે જે તે ફિલ્મના શુટીંગમાં કરેલાં ભગા દેખાડાય છે એ મને યાદ આવી ગયું...

    ReplyDelete
    Replies
    1. આભાર, રાજુભાઈ. પ્લીઝ રીફર ટુ કમાન્‍ડમેન્‍ટ નં. ૨.

      Delete
    2. :) બિરેનભાઇ.... સળી કરતો હતો... ખરેખર મૌલિક એને હિમ્મત ભર્યું કામ છે આ- ખૂબ ખૂબ અભિનંદન-

      Delete
  11. દરેક કુતરૂં દરેક હાથી (કે સાઇકલ/સ્કુટરસવારને) ભસે છે ખરૂં?
    એટલે કે કુતરાંને ભસવાની પ્રેરણા સ્વયંભુ થાય છે કે હાથીની કોઇ ખાસિયત ભરી હરકત તેને ભસવા પ્રેરે છે?
    બાકી હાથી - બિનપારંપારીક વિષયો પર 'સભ્ય' સીમાને સ્પર્શતાં રહીને 'મૌલિક' શૈલીમાં છૂપી ધાર વાળું 'સર્જન' જાહેરમાં કરવું હોય - થયા હોઇએ તો તો કુતરાં - સામેવાળા વિચારો ધરાવતાં, પછી તે કોઇ પણ કક્ષાનાં હોય-નું ભસવું સ્વીકારવું પડે. (કોઇ વળી એવી દલીલ કરશે,કે એવો નિયમ કોણે બનાવ્યો?, પણ कुछ तो लोग कहेंगे, लोगोंका काम है कहेना, એ ન્યાયે ક્રિયા થશે તો પ્રતિકિયા તો થવાની.) આપણને આપણા વિચારો 'મનની ઇચ્છા' મુજબ - "મન ફાવે તેમ" - રજૂ કરવા હોય, તો સામેથી આવતાં બચાવરૂપી આક્રમણને તો શેનું નકારાય!
    હા, તેને માણતાં શીખવું કે તેમાંથી પણ કંઇ શીખવું - કચરામાથી આજે તો ઉર્જા અને ખાતર બને જ છે ને - એ જરા અઘરૂં તો પડે.એક ગાલ પર તમાચો વાગે ત્યારે બીજો ગાલ ધરવામાં અહિંસા પ્રત્યે પ્રતિબધ્ધતા તો જોઇએ જે, સાથે સાથે પહેલા તમાચાને સહન કરી શકવાની ક્ષમતા પણ જોઇએ!
    આવી નોક્ઝોકની અનેકાનેક સો સો મંઝિલો બનતી રહે તેવી શુભેચ્છાઓ (?!)......

    ReplyDelete
    Replies
    1. આભાર, અશોકભાઈ. કચરામાંથી ઉર્જા અને ખાતર બને છે. અને ગાળોમાંથી બ્લોગની એક પોસ્ટ બની જાય છે.

      Delete
  12. ખૂબ ખૂબ અભિનંદન ગુરુભાઈ, બધી પોસ્ટ્સ વાંચી શકાઈ નથી.. એટલે નિરાંતે બેસીને ખજાનામાં ધુબાકા મારીશું :) Many congratulations.

    ReplyDelete
    Replies
    1. આભાર તુષાર. ધુબાકા ભલે મારે, પણ અહીં બે ટીપાં (તારો લેખ આપીને) રેડવાં પડશે.

      Delete
  13. jalso padi gayo.. bahu hasyo yaar jode besi ne hasta hoi evu... khari noto (note nu bahu vachan) hoi chhe....

    ReplyDelete
  14. સભર, આ નોટો પાછી ખખડે છે પરચુરણની જેમ.

    ReplyDelete
  15. Super!Congrats! 3 (no, 100) cheers for Palette!

    ReplyDelete
  16. Hello Birenbhai,

    I was very happy to note that 'Pallet' has completed a century !! All the best for the next 100 as well.

    Congrats.

    ReplyDelete
    Replies
    1. આભાર, સુધાબેન. તમારું પ્રોત્સાહન સતત મળતું રહે છે એનો આનંદ છે.

      Delete
  17. ૧૦૦ મી પોસ્ટની સાથે મેમ્બર્સનો આંકડો પણ ૧૦૦ ને વટાવી ગયો. અભિનંદન! આ સાથે જ સંપૂર્ણપણે આપના દ્વારા પ્રેરિત એક વાહિયાત કહેવત પણ માણી લો...
    "૧૦૦ મી પોસ્ટ પર પહોંચતાની સાથે જ આપોઆપ પોસ્ટના મેમ્બર્સ પણ ૧૦૦ થી વધી જતા હોય છે!!"

    ReplyDelete
    Replies
    1. ગુજરાતના લોકો હવે વિકાસશીલ થઈ ગયા છે અને હાલતાં ને ચાલતાં ચિંતનકણિકાઓ વેરવા લાગ્યા છે. શું થશે? (ચિંતકોનું.)

      Delete
  18. FABULOUS BANDHU !!!PROUD TO BE A PART OF IT

    ReplyDelete
    Replies
    1. અમિત, તારે અભિનંદન આપીને છટકવાનું નથી. અહીં કંઈ ને કંઈ આપતા રહેવાનું છે.

      Delete
  19. બીરેન ભાઈ, પેહલા તો સેનચુરી બદલ દિલ થી આભીન્દન। તમે અને ઉર્વીશ ભાઈ ગાળો એટલે ખાવ છો કારણ કે તમે બને પૈસા નથી ખાતા। બસ અમારી એકજ લાગણી આવી રીતે ભવિષ્ય માં ગાળો ખજો પણ પૈસા ન ખાતા।ભગવાન આપની સાથેજ છે।

    ReplyDelete
    Replies
    1. આભાર, રાજેન્‍દ્રભાઈ. શું કરીએ? ગાળો કે પૈસા- બેમાંથી કશુંય ખાવું અમારા હાથમાં નથી.

      Delete
  20. 100મી પોસ્ટની સાથે મેમ્બર્સનો આંકડો પણ 100 ને વટાવી ડબલ સેન્ચયરી માટે અઢળક અભીનન્દન...

    ReplyDelete
    Replies
    1. આભાર, ગોવિંદભાઈ.

      Delete
  21. 100મી પોસ્ટ તો ખરી જ પણ સાતત્ય સાથે મૌલિક અને ગુણવત્તા સભર લેખો આપવા માટે અભિનંદન.

    ReplyDelete
    Replies
    1. શુભેચ્છાઓ માટે આભાર, પંચમભાઈ.

      Delete
  22. Birenbhai,
    I always enjoyed your writings, creativity and choice of subjects. Today's post, subject and timing is another proof. Lage Raho....

    ReplyDelete
    Replies
    1. Many thanx, Ronakbhai. Ur words are encouragement for me.

      Delete
  23. તમારા બ્લૉગનો webgurjari.in પર પરિચય આપ્યો છે. અહીં જોશો.
    http://webgurjari.in/2013/03/10/parichay/?utm_source=feedburner&utm_medium=email&utm_campaign=Feed%3A+Webgurjari+%28WebGurjari.in%29

    ચાર બ્લૉગનો પરિચય હળવી શૈલીમાં આપ્યો છે. વેબસાઇટની મુલાકાત લઈને પ્રતિભાવ આપશો તો આનંદ થશે.

    ReplyDelete
    Replies
    1. આભાર, દીપકભાઈ.

      Delete
  24. અભિનંદન વ્હાલાં :)

    ReplyDelete
    Replies
    1. ધન્યવાદ, રણજિતભાઈ.

      Delete
  25. વિશાલ પાટડિયાMarch 12, 2013 at 6:01 PM

    લોકોને જામનગર પછી ગુગલની આ કાજળ પણ વખાણવી જ રહી. જોરદાર.

    ReplyDelete
    Replies
    1. આભાર, વિશાલ. આ તો (કોકના) 'બ્લોગ'ની કાજળ (મારા) 'બ્લોગે' ઘસ્યા જેવું છે.

      Delete
  26. વિષય વૈવિધ્યની બાબતમાં તો બ્લોગ 'પેલેટ' અવ્વલ છે જ. સાથે-સાથે 'અતિથિ લેખક'ની જે ભવ્ય પરંપરા બીરેને ઊભી કરી છે તે તો અનન્ય છે. મને એ વાતનો ગર્વ છે કે મારો બ્લોગ 'હરતાંફરતાં' એ પરંપરાની નીપજ છે.

    બિનીત મોદી (અમદાવાદ)

    ReplyDelete
    Replies
    1. આ તેં 'ચોંકાવનારું' સંશોધન કર્યું, બિનીત!

      Delete
  27. હું તમારી સફરમાં સાથેછુ. સુંદર રજુઆત માટે અભિનંદન.

    ReplyDelete
    Replies
    1. તમારા જેવા મિત્ર હમસફર હોવાનો આનંદ છે, ચૌધરીજી! આભાર.

      Delete
  28. મને સૌથી વધુ રસ એ બાબત જાણવામાં છે.. કે છેવટે મોટાભાઈની કેરિયર બની કે નહિ??!!! ;) :D
    ભૂલચૂક લેવીદેવી :D

    ReplyDelete