"અરે! તમે આજે ગજબ સ્ફૂર્તિમાં લાગો છો. આ પહેલાં તમને કદી આ રીતે જોયા નથી. શું રહસ્ય છે આનું? કાલે યોગબોગ કર્યો લાગે છે."
"યસ, રાઈટ યુ આર. તમે મને કાયમ યોગ કરવાનું કહેતા હો છો. મને થયું કે કાલે યોગ દિવસ છે, તો કરીએ કંકુના. એટલે પછી મેં..."
"શું કર્યું? સૂર્ય નમસ્કાર?"
"ખોટું નહીં કહું. આમ હું કદી જોતો નથી, પણ મેં કાલે ટી.વી. ઑન કર્યું અને જોયું તો એક જણ સૂર્ય નમસ્કાર કરી રહ્યો હતો. મેં ગણવાનું ચાલુ કર્યું...એક...બે...ત્રણ...માનશો નહીં. એ માણસે સહેજ પણ અટક્યા વિના વીસ સૂર્ય નમસ્કાર ખેંચી કાઢ્યા."
"વાઉ!"
"તો મને તરત તમે યાદ આવ્યા કે તમે કાયમ સૂર્ય નમસ્કારનો મહિમા ગાતા હો છો. એટલે તમે આમ કરી શકો કે કેમ એ સવાલ થયો."
"તમે વીસની ક્યાં વાત કરો છો? હું તો એક માણસને રોજ ત્રીસ સૂર્યનમસ્કાર કરતો જોઉં છું. એક જ સ્ટ્રેચમાં."
No comments:
Post a Comment