કવિતાબવિતા: નવરાત્રિવિશેષ

 પાસ રેઢો જોયો ને તમે યાદ આવ્યાં

જાણે ભર નવરાત્રે વરસાદ પડ્યો રામ

સ્ટૉલે પીત્ઝા ખાધો ને તમે યાદ આવ્યાં

ક્યાંક ડી.જે.ગર્જ્યું ને તમે યાદ આવ્યાં

જાણે કાનમાં પડી ગઈ ધાક જબરી રામ

એક 'ગરબો' સાંભળ્યો ને તમે યાદ આવ્યાં

જરા કીચડ થયો ને તમે યાદ આવ્યાં

જાણે ડિઝાઈનર ડ્રેસ તૈયાર મળ્યો રામ

સહેજ છાંટો ઊડ્યો ને તમે યાદ આવ્યાં

કોઈએ કકળાટ કર્યો ને તમે યાદ આવ્યાં

જાણે મોગેમ્બોના મુખમાં બ્રહ્માંડ દીઠું રામ

કોઈ ગળે પડ્યું ને તમે યાદ આવ્યાં

કોઈ ગાતાં અટક્યું ને તમે યાદ આવ્યાં

જાણે સ્વરની દુનિયામાં કલશોર થયો રામ

એક આલાપ છેડ્યો ને તમે યાદ આવ્યાં

(કવિ હરીન્દ્ર દવેને સળ્યાંજલિ, લખ્યા તારીખ: 7-10-2019)