કવિતાબવિતા

 જૂઠનું જોર 

આપણા જૂઠનું કેટલું જોર ?

ભક્ત રે, આપણા જૂઠનું કેટલું જોર ?

નાની એવી સાચક વાતનો મચવીએ નહિ શોર !

જૂઠનું વાહન કોણ બની રહે?

નહી ‘બલૂન’નું કામ, આપણ તો બડભાગી,

જૂઠાણાનું આજ ગવાય રે ગાન;

છૂટક સાચની શાલ પે સોહે જૂઠધનુષની કોર.

ભક્ત રે, આપણા જૂઠનું કેટલું જોર ?

જૂઠભરી ચેનલ સાગર પેખે,

સાચ લાગે છે ‘ફૂલ’, કોકડું છે કયા કિસમનું,

એનું જાડું વણાય ગૂંચળું;

નિબિડ જૂઠના કાજળથી ઢાંકી રાખશું અરુણ ભોર.

ભક્ત રે, આપણા જૂઠનું કેટલું જોર ?

આપણે ના કંઈ ડ્રન્ક,

ભર્યોભર્યો ધિક્કાર કોશ અપાર;

આવવા દો જેને આવવું આપણે, પહોંચી વળશું નિરધાર;

મતમાં છો મળે લાગ, ઠાંસી છે નફરત અમે ઘનઘોર.

ભક્ત રે, આપણા જૂઠનું કેટલું જોર ?

(કવિ રાજેન્દ્ર શાહને સળ્યાંજલિ, લખ્યા તારીખ: 18-2-2020)